لاہور(روشن پاکستان نیوز)سابق وزیراعظم نواز شریف کی صاحبزادی مریم نواز کا بطور وزیراعلیٰ پنجاب آج پہلا دن ہے۔
وزیراعلیٰ پنجاب مریم نواز رائیونڈ سے اپنے دفتر روانہ ہوئیں جہاں کام کے آغاز کے پہلے روز انہوں نے ٹریفک بند ہونے پر برہمی کا اظہار کیا۔
وزیراعلیٰ مریم نواز نے ہدایت کی کہ ٹریفک کا انتظام ٹھیک کیا جائے اور شہریوں کو پریشانی کا سامنا نہ کرنا پڑے۔
واضح رہے کہ گزشتہ روز مریم نواز وزیراعلیٰ پنجاب منتخب ہوئیں، ان کی حلف برداری کی تقریب گورنر ہاؤس میں ہوئی، جہاں گورنر پنجاب بلیغ الرحمان نے ان سے حلف لیا۔
