مٹیاری(روشن پاکستان نیوز)سندھ اریگیشن اینڈ ڈرینج اتھارٹی میں بے ضابطہ بھرتیوں اور ترقیوں کا انکشاف ہوا ہے۔
ملازمین کو بغیر اشتہار کے بھرتی کیا گیا، آڈٹ حکام نے بھی بھرتیوں اور ترقیوں کو غیر قانونی قرار دے دیا۔
سیکرٹری آبپاشی نیاز عباسی کا کہنا ہے کہ بورڈ نے اشتہارات کے بغیر بھرتیاں کیں، بورڈ کے پاس بھرتیوں سے متعلق کوئی فیصلہ کرنے کا اختیار نہیں، عدالت نے ان ملازمین کو فارغ کرنے کا حکم دیا تھا۔
سیکرٹری آبپاشی کے مطابق ایم ڈی نے عدالتی حکم کو بھی نظر انداز کیا، ایم ڈی کے خلاف قانون کے مطابق کارروائی کی جائے گی۔
