اسلام آباد (روشن پاکستان نیوز)پاکستان پیپلز پارٹی (پی پی پی) کے سینئر رہنما سید خورشید شاہ نے کہا ہے کہ (ن) لیگ کے بارے میں میری پیش گوئی درست ثابت ہوئی۔ کہا (ن) لیگ لاڈلا پن سے نقصان کھائے،اور ایسا ہی ہوا۔
ایک انٹرویو میں خورشید شاہ نے کہا کہ (ن) لیگ والے شروع میں عوام کو دکھا رہے تھے کہ ہم لاڈ لےہیں، لاڈ لاوالی بات سے (ن) لیگ کو نقصان پہنچا۔
پی پی رہنما کا مزید کہنا تھا کہ موجودہ حکومت 5 سال تک چلے گی، ہماری بھی یہی کوشش ہوگی، کوشش کریں گے کہ وزیراعظم اور پارلیمنٹ دونوں اپنی مدت پوری کریں۔
انہوں نے کہا کہ حکومت چلانے کا طریقہ کار ہے، ہم نے پارلیمنٹ کی مدت پہلے پوری کی، پیپلز پارٹی باہر بیٹھ کر مدد کرے گی تو حکومت بہتر طریقے سے چلے گی۔
خورشید شاہ نے یہ بھی کہا کہ جب حکومت کے اندر اپوزیشن ہوتی ہے تو بہت اچھا نتیجہ نکلتا ہے۔
انہوں نے کہا کہ کوئی 18ویں ترمیم کو ہاتھ لگانے کی جرات نہیں کرے گا، اگر ایسا ہوا تو ہم ووٹ نہیں دیں گے، ترمیم سے بہتری آسکتی ہے۔
پی پی رہنما نے کہا کہ ایجنڈا صرف پیپلز پارٹی نے دیا، آخر میں (ن) لیگ کو ایجنڈا پیش کرنے پر مجبور کیا گیا، پی ٹی آئی سمیت کسی پارٹی نے ایجنڈا نہیں دیا۔
