دبئی نے علمائے کرام کو رمضان المبارک کے پیش نظر گولڈن ویزا دینے کا اعلان کیا ہے۔
غیر ملکی خبر رساں ادارے کے مطابق دبئی کے شیخ ہمدان بن محمد بن راشد المکتوم نے مساجد کے ائمہ، موذن، مفتیوں اور علمائے کرام کو گولڈن ویزے دینے کا اعلان کیا۔ اسکے لیے اہل وہی ہوں گے جنہوں نے 20 سال دبئی میں خدمت سرانجام دی ، دوسری جانب عرب میڈیا کے مطابق عید الفطر کے موقع پر مذہبی رہنماؤں کو مالی انعامات دینے کا اعلان بھی کیا گیا ہے۔
شیخ کی جانب سے یہ قدم ان کی سماجی خدمات کے اعتراف میں دیا جا رہا ہے، عیدالفطر کے موقع پر مالی انعامات کی سالانہ روایت کو برقرار رکھتے ہوئے شیخ ہمدان بھی انہیں خراج تحسین پیش کریں گے، جو کہ اسلام کے صبر و تحمل کا پیغام ساری دنیا میںپھیلا رہے ہیں۔
قبل ازیں شیخ ہمدان نے دبئی میں مساجد کے موذن اور اماموں کی تنخواہوں میں اضافے کا اعلان کیا تھا۔
واضح رہے کہ صدر مملکت کی ہدایات کے مطابق ماہانہ مالیاتی الاؤنس بھی شامل کیا گیا ہے جس کے تحت بنیادی تنخواہ کا 50 فیصد مساجد کے عملے کو بطور الاؤنس دیا جائے گا۔
