اسلام آباد(روشن پاکستان نیوز)الیکشن کمیشن آف پاکستان 23 قومی اور صوبائی اسمبلیوں کی نشستوں پر ضمنی انتخاب کے لیے امیدواروں کو انتخابی نشانات الاٹ کرے گا۔
الیکشن کمیشن نے امیدواروں کے کاغذات نامزدگی کی جانچ پڑتال مکمل کر لی۔
قومی اسمبلی کی 6 اور صوبائی اسمبلیوں کی 17 نشستوں پر ضمنی انتخابات کے لیے پولنگ 21 اپریل کو ہوگی۔
انتخابی ادارہ قومی اسمبلی کی چھ، کے پی اور بلوچستان اسمبلیوں کی دو دو اور پنجاب اسمبلی کی 12 خالی نشستوں پر انتخابات کرائے گا۔
واضح رہے کہ پیپلز پارٹی کی آصفہ بھٹو زرداری نواب شاہ کی قومی اسمبلی کی نشست پر بلامقابلہ واپس آئیں تھیں جو آصف علی زرداری کے صدر پاکستان منتخب ہونے کے بعد خالی ہوئی تھی۔
الیکشن کمیشن نے 13 مارچ کو ملک بھر میں خالی ہونے والی اسمبلیوں کی نشستوں پر ضمنی انتخابات کے شیڈول کا اعلان کیا۔
