کوئٹہ(روشن پاکستان نیوز)پاکستان پیپلز پارٹی کے دور اقتدار میں بلوچستان سے سینیٹ کی خالی 11نشتوں پر سینیٹرز بلا مقابلہ منتخب ہو گئے ۔
جنرل نشستوں پر مسلم لیگ ن کے سیدال ناصر اور آغا شاہ زیب درانی سینیٹر منتخب ہوئے۔
پیپلز پارٹی کے سردار عمر گورگیج، نیشنل پارٹی کے جان بلیدی،عوامی نیشنل پارٹی اورپیپلز پارٹی کے مشترکہ امیدوار ایمل ولی خان بلوچستان سے بلا مقابلہ سینیٹر منتخب ہو گئے ۔
اسی طرح جنرل نشست پر جمعیت علماء اسلام کے احمد خان، آزاد امیدواراورسابق وزیراعظم انوار الحق کاکڑ،ٹیکنوکریٹس کی نشست پر پیپلز پارٹی کے بلال مندوخیل اور جے یو آئی کے مولانا عبد الواسع منتخب ہوئے ۔
جبکہ خواتین کی نشستوں پر مسلم لیگ ن کی راحت جمالی اور پیپلز پارٹی کی حسنہ بی بی سینیٹر منتخب ہو گئیں ۔
