هفته,  13 جولائی 2024ء
آزاد کشمیر اسمبلی نے 264 ارب روپے کے بجٹ کی منظوری دے دی

مظفرآباد(روشن پاکستان نیوز)آزاد کشمیر قانون ساز اسمبلی نے حکومت کے مالی سال 25-2024 کے لیے 2 کھرب 64 ارب 3 کروڑ 30 لاکھ حجم کے تخمینہ بجٹ کی منظوری دے دی جبکہ فنانس بل کی منظوری آج دی جائے گی۔

آزادجموں و کشمیرقانون ساز اسمبلی کا اجلاس آج دن 2 بجے اسپیکر چوہدری لطیف اکبر کی صدارت میں ہوگا۔

گزشتہ شام قانون ساز اسمبلی نے مالی سال 2023/24 کے نظر ثانی میزانیہ ایک کھرب 90 ارب 93 کروڑ 50 لاکھ روپے اور مالی سال 25-2024 کے لیے 2 کھرب 64 ارب 3 کروڑ 30 لاکھ کے تخمینہ بجٹ کی منظوری دی ۔

بجٹ میں 220 ارب سے زائد غیر ترقیاتی اخراجات جبکہ 44 ارب ترقیاتی اخراجات شامل ہیں۔

وزیر خزانہ عبدالماجد خان نے فنانس بل 2024/25 ایوان میں پیش کیا جسے مجلس منتخبہ کے سپرد کر دیا گیا۔

اسپیکر نے قانون ساز اسمبلی کا اجلاس آج دن 2 بجے تک ملتوی کیا جبک قانون ساز اسمبلی آج فنانس بل کی منظوری دے گی۔

مزید خبریں

FOLLOW US

Copyright © 2024 Roshan Pakistan News