اسلام آباد(روشن پاکستان نیوز) کینسر کے علاج میں کورونا ویکسین کے مددگار ہونے کا انکشاف سامنے آیا ہے، امریکی ماہرین کی نئی ریسرچ میں اس راز سے پردہ اٹھا۔

کورونا وائرس کی روک تھام کے لیے ایم آر این اے (MRNA) ویکسینز استعمال ہوتی آئی ہے، امریکی ماہرین کی حالیہ تحقیق سے معلوم ہوا ہے کہ کینسر کے مریضوں کے لیے بھی یہ ویکسین فائدہ مند ثابت ہو سکتی ہے اور ان کے مدافعتی نظام کو مضبوط بناسکتی ہے۔

امریکی ماہرین کی ریسرچ میں دعویٰ کیا گیا ہے کہ یہ ویکسینز انسانی مدافعتی نظام کو مضبوط بنا کر جدید کینسر کے علاج کو مزید مؤثر بنا دیتی ہیں۔

اس ویکسین کے پُراثر ہونے سے مریضوں کی زندگی کی مدت میں بھی اضافہ ہوتا ہے، کورونا کی ایم آر این اے ویکسینز کینسر کی بیماری کو کم یا ختم نہیں کرتی تاہم انسانی جسم کے مدافعتی نظام کو مضبوط بناتی ہے جس سے ٹیومر اور کینسر سے لڑنے میں کافی مدد ملتی ہے۔

سی این این کی رپورٹ میں بتایا گیا ہے کہ نئی تحقیق کے مطابق کورونا سے بچاؤ کی ویکسینز مدافعتی نظام کو پورے جسم میں متحرک کر دیتی ہیں۔

اس کی مثال یوں ہے کہ جیسے ایک الارم بج رہا ہوتا ہے اور آپ کو آنے والے خطرے کے بارے میں بتاتا ہے، اس ویکسین کی وجہ سے جسم کا مدافعتی نظام متحرک ہوکر ٹیومرز کے خلاف موثر کردار ادا کرنے لگتا ہے۔

مزید پڑھیں: دنیا کی تاریخ میں پہلی بار 100 فیصد رزلٹ کیساتھ ’کینسر‘ کی ویکسین تیار

دلچسپ بات یہ ہے کہ تحقیق سے یہ بھی پتا چلا کہ کورونا ویکسین لگوانے والے کینسر کے مریضوں کا لمبے عرصے تک زندہ رہنے کا امکان بڑھ جاتا ہے۔

ویکسین لگوانے سے خصوصی طور پر اعلیٰ درجے کے پھیپھڑوں یا جلد کے کینسر (میلانوما) کے مریضوں کو اس سے زیادہ فائدہ پہنچ سکتا ہے۔

تحقیق کے مطابق کینسر کے مریض اگر علاج کے ابتدائی 100 دنوں کے اندر ایم آر این اے ٹیکنالوجی کی کورونا ویکسینز یعن فائزر اور ماڈرنا کی ویکسینز لگوائیں گے تو ان کے تین سال بعد زندہ رہنے کا امکان تقریبا دگنا ہوسکتا ہے۔

طبی ماہرین نے کینسر کے خلاف ویکسین کی افادیت سے متعلق بتاییا کہ کورونا ویکسینز کا کینسر کے وائرس یا انفیکشن کی روک تھام سے نہیں بلکہ ویکسین کی ایم آر این اے ٹیکنالوجی سے جڑا ہے۔

ویکسین کی ایم آر این اے ٹیکنالوجی مدافعتی خلیات کو متحرک کر دیتی ہے اور کینسر کے خلیات پر حملہ کرنے میں مدد دیتی ہے، کورونا ویکسینز کینسر کے مخصوص خلیات کو ہدف بنانے کے بجائے مدافعتی نظام کو عام طور پر متحرک کر کے ٹیومرز کو کمزور بنادیتی ہے۔