اسلام آباد(روشن پاکستان نیوز) ملک میں سونے کی قیمت نے ایک نئی بلند ترین سطح کو چھو لیا ہے۔ عالمی اور مقامی مارکیٹ میں اضافے کے باعث سونے کی قیمتوں میں بڑا اضافہ ریکارڈ کیا گیا ہے۔

صرافہ بازار ایسوسی ایشن کے مطابق سونے کی فی تولہ قیمت میں 7 ہزار 700 روپے کا نمایاں اضافہ ہوا ہے، جس کے بعد فی تولہ سونا 4 لاکھ 80 ہزار 962 روپے میں فروخت ہو رہا ہے۔

اسی طرح 10 گرام سونے کی قیمت میں بھی 6 ہزار 602 روپے اضافہ ریکارڈ کیا گیا ہے، جس کے بعد 10 گرام سونے کی نئی قیمت 4 لاکھ 12 ہزار 347 روپے ہو گئی ہے۔

مزید پڑھیں:سونا ہزاروں روپے سستا

سونے کی قیمتوں میں اس غیر معمولی اضافے کے باعث زیورات کے خریداروں اور عام صارفین میں تشویش پائی جا رہی ہے۔

؎جبکہ ماہرین کے مطابق عالمی مارکیٹ میں سونے کی قیمتوں میں اتار چڑھاؤ اور معاشی غیر یقینی صورتحال اس اضافے کی بڑی وجوہات ہیں۔