اسلام آباد(روشن پاکستان نیوز) معروف جاپانی کمپنی یاماہا نے پاکستان میں موٹر سائیکل کی پیداوار بند کرنے کا اعلان کر دیا۔
یاماہا موٹر پاکستان (پرائیویٹ) لمیٹڈ نے باضابطہ طور پر اعلان کیا ہے کہ کاروباری پالیسی میں تبدیلی کے باعث ہم موٹر سائیکلوں کی پیدوار بند کر رہے ہیں۔
بیان میں کہا گیا کہ پاکستان میں یاماہا موٹر سائیکل استعمال کرنے والے تمام صارفین کے برسوں پر محیط حمایت اور وفاداری کے نہایت مشکور ہیں۔
مزید پڑھیں: جاپان کے وزیرِ اعظم شیگیرو اشیبا نے انتخابات میں شکست کے بعد استعفیٰ دے دیا
کمپنی نے یقین دہانی کروائی ہے کہ ڈیلرز کے ذریعے موجودہ موٹر سائیکل صارفین کے لیے اسپیئر پارٹس فراہم کریں گے جبکہ وارنٹی سروسز اور کسٹمر سپورٹ بھی فراہم کی جائے گی۔
کمپنی کا کہنا ہے کہ کسی بھی قسم کی معلومات کیلئے صارفین ہماری آفیشل ویب سائٹ ، ای میل یا واٹس ایپ کے ذریعے ہم سے براہ راست رابطہ کریں۔
