کراچی (روشن پاکستان نیوز) ملک پر قرضے اور واجبات ملکی تاریخ کی نئی بلند ترین سطح پر پہنچ گئے۔
اسٹیٹ بینک نےجون 2025 تک ملک پر قرضوں اور واجبات کے اعداد وشمار جاری کردیے ہیں۔
اعداد وشمارکے مطابق وفاقی حکومت کا قرض مالی سال2025 میں 13 فیصد بڑھا ہے۔
وفاقی حکومت کا قرض جون 2025 تک 77 ہزار 888 ارب روپے رہا جو جون 2024 میں 68 ہزار 914 ارب روپے تھا۔
مزید پڑھیں: وفاقی حکومت کی بڑی کامیابی: 2،600 ارب روپے کا قرضہ مقررہ وقت سے پہلے ادا
اسٹیٹ بینک کی جانب سے جاری اعداد وشمار میں بتایا گیا ہے کہ وفاقی حکومت کا مقامی قرض 15.5 فیصد بڑھ کر 54 ہزار 471 ارب روپے اور حکومت کا بیرونی قرض 7.6 فیصد بڑھ کر 23 ہزار 417 ارب روپے ہوگیا ہے۔
