اسلام آباد(روشن پاکستان نیوز) سونا مزید سستا ہو گیا، سونے کی قیمت 2 لاکھ 60 ہزار 100 روپے تولہ ہو گئی۔
سونے کے فی تولہ نرخ میں 1400 روپے کی کمی ہو گئی، گزشتہ روز بھی سونے کی فی تولہ قیمت میں ایک ہزار کی کمی ہوئی تھی۔
اس طرح دو روز میں سونے کے نرخوں میں 2400 روپے کی کمی ہو گئی ہے، دس گرام سونا 1200 روپے سستا ہو گیا۔
دس گرام سونے کے نرخ 2 لاکھ 22 ہزار 994 روپے کی سطح پر آ گئے، عالمی سطح پر بھی سونے کے نرخوں میں کمی ہوئی ہے۔
عالمی مارکیٹ میں سونے کی فی اونس قیمت 17 ڈالر کم ہو گئی جس سے فی اونس قیمت 2481ڈالر کی سطح پر آ گئی۔
مزید پڑھیں: صدر مملکت نے اولمپک گولڈمیڈلسٹ ارشد ندیم کو ہلال امتیاز عطاء کر دیا
چاندی کے نرخ پچاس روپے تولہ کم ہو گئے، چاندی کی فی تولہ قیمت 2900 روپے ہو گئی ہے، دس گرام چاندی کی قیمت 2486.28 روپے کی سطح پر آگئی۔
