اسلام آباد(روشن پاکستان نیوز)محکمہ موسمیات نے ملک کے بیشتر علاقوں میں موسم خشک جبکہ بالائی علاقوں میں سرد رہنے کی پیشگوئی کی ہے۔
محکمہ موسمیات کے مطابق پنجاب کے میدانی علاقوں میں اسموگ جبکہ رات کے اوقات میں چند مقامات پر ہلکی دھند پڑنے کا امکان ہے۔
محکمہ موسمیات نے اسلام آباد میں موسم خشک اور سرد رہنے کی توقع ہے، مری، گلیات میں موسم خشک اور سرد رہنے کا امکان ظاہر کیا گیا ہے۔ پنجاب کے میدانی علاقوں میں اسموگ اور دھند رہنے کی توقع ہے۔
مزید پڑھیں: وزیر اعظم شہباز شریف کا ملک میں زرعی اور موسمیاتی ایمرجنسی نافذ کرنے کا اعلان
سندھ اور بلوچستان کے بیشتر اضلاع میں موسم خشک اور سرد رہے گا، خیبرپختونخوا کے بیشتر اضلاع میں بھی موسم خشک اورسرد رہنے کا امکان ہے۔
آزاد کشمیر اور گلگت بلتستان میں موسم سرد اور خشک رہنے کا امکان ہے۔ گزشتہ چوبیس گھنٹوں کے دوران ملک کے بیشتر علاقوں میں موسم خشک اور پہاڑی علاقوں میں سرد رہا۔ تاہم پنجاب کے چند میدانی اضلاع میں ہلکی اسموگ چھائی رہی۔
