دکھی انسانیت کی خدمت کرنے سے قلبی سکون اور اللہ کی خوشنودی حاصل ہوتی ہے۔سید زیرک شاہ

سکھر(سٹی رپورٹر)محکمہ سوشل ویلفئیر ڈیپارٹمنٹ کے پروگرام ڈبلیو ڈی او کے تحت اور تبسم فاؤنڈیشن کے تعاون سے غریب ،مستحق ،معذور افراد کو راشن بیگ ،ویل چئیر سائیکل،گرم کمبل تقسیم کی تقریب منعقد ہوئی تقریب کے مہمان خاص پاکستان پیپلز پارٹی کے مرکزی رہنما سید خورشید احمد شاہ کے صاحبزادے سید زیرک شاہ تھے ۔ جبکہ دیگر مہمانوں میں محکمہ سوشل ویلفئیر ڈیپارٹمنٹ کے اسسٹنٹ ڈائریکٹر مصطفی علی جاگیرانی ،تبسم فاؤنڈیشن کی چئیر پرسن میڈم عائشہ تبسم سمیت سابق یوسی چئیرمین محمد شفیق پیرزادہ و دیگر نے شرکت کی اور 100سے زائد غریب ،مستحق ،معذور مرد خواتین افراد کو راشن بیگ ،ویل چئیر سائیکل،گرم کمبل تقسیم کئے ،تقریب سے خطاب کے دوران مہمان گرامی کا کہنا تھا کہ دکھی انسانیت کی خدمت کرنے سے قلبی سکوں اور اللہ کی خوشنودی حاصل ہوتی ہے ہم سب کو چاہئے کہ فلاحی کاموں میں بڑھ چڑھ کر حصہ لیں۔

اپنا تبصرہ بھیجیں