صحافیوں سے گفتگو کرتے ہوئے وزیرِ اعظم شہباز شریف کے کوآرڈینیٹر برائے صحت ڈاکٹر ملک مختار بھرتھ نے کہا ہے کہ افورڈ کرنے والے افراد 4500 روپے سالانہ دے کر یہ سہولت حاصل کر سکتے ہیں۔

ان کا کہنا ہے کہ 4500 روپے سالانہ یا 400 روپے ماہانہ پریمیئم کی ادائیگی کر کے خاندان کے لیے ہیلتھ انشورنس لی جا سکتی ہے، پاکستان میں صحت کی سہولتوں کی فراہمی کا مستقبل ہیلتھ انشورنس سے وابستہ ہے۔

ملک مختار بھرتھ نے کہا ہے کہ حکومتوں کا کام سرکاری اسپتال چلانا نہیں، سرکاری اسپتال ہیلتھ انشورنس سے مریضوں کا علاج کریں۔

انہوں نے مزید کہا ہے کہ بے نظیر انکم سپورٹ پروگرام کے ڈیٹا پر تحفظات ہیں، قابلِ اعتماد ڈیٹا کی ضرورت ہے۔

وزیرِ اعظم شہباز شریف کے کوآرڈینیٹر برائے صحت ڈاکٹر ملک مختار بھرتھ کا یہ بھی کہنا ہے کہ ملک میں ادویات کی کوئی قلت نہیں ہے۔