جنوبی کوریا میں پارلیمانی انتخابات کے لیے ووٹنگ ختم ہونے کے بعد ووٹوں کی گنتی جاری ہے۔
غیر ملکی میڈیا کے مطابق پارلیمانی انتخابات کے سرکاری نتائج کا اعلان جمعرات کو کیا جائے گا۔
مقامی میڈیا کے مطابق ایگزٹ پول میں اپوزیشن جماعت ڈیموکریٹک پارٹی کو برتری حاصل ہے۔ اپوزیشن پارٹی کو 193 سے 183 سیٹیں ملنے کی امید ہے۔
دوسری جانب صدر یون سیوک کی حکمران پیپلز پاور پارٹی کو 85 سے 100 نشستیں ملنے کی توقع ہے۔
غیر ملکی میڈیا کے مطابق انتخابات میں قومی اسمبلی کی 300 نشستوں کے لیے ووٹ ڈالے گئے۔
