ہری پور: چین کی کمپنی پاور کنسٹرکشن کارپوریشن آف چائنا نے تربیلا ڈیم کے پانچویں توسیعی ہائیڈرو پاور پراجیکٹ پر منگل کو بشام کے قریب دہشت گردانہ حملے میں پانچ چینی شہریوں کی ہلاکت کے بعد پیدا ہونے والے سیکیورٹی مسائل کی وجہ سے کام روک دیا ہے۔

26 مارچ کو جاری کردہ ایک نوٹیفکیشن میں، پاور چائنا نے سائٹ کے تمام کارکنوں اور دفتری عملے کو مطلع کیا کہ وہ 1530 میگاواٹ کے تربیلا پانچویں توسیعی منصوبے پر کام کو اگلے احکامات تک معطل کر دیں۔

“تمام سائٹ ورکرز اور دفتری عملے کو مطلع کیا جاتا ہے کہ پراجیکٹ کا کام مورخہ 26-03-2024 سے سیکورٹی وجوہات کی بنا پر اگلے حکم تک معطل کیا جا رہا ہے۔ اس کی وجہ سے تمام سائٹ ورکرز اور دفتری عملے کو اگلے نوٹیفکیشن تک فارغ کر دیا جائے گا۔

کمپنی نے مطلع کیا کہ اس کا سیکشن انچارج صرف اس عملے کو مطلع کرے گا جو ڈیوٹی پر آئے گا۔