لاہور(روشن پاکستان نیوز)لاہور قلندرز کے کپتان شاہین آفریدی نے کہا ہے کہ جب ٹیم ہارتی ہے تو سب سمجھتے ہیں کہ کپتان نے ہرا دیا، لیکن ایسا نہیں ہے۔
قلندرز کے سی ای او سمین رانا کے ساتھ پوڈ کاسٹ میں بات کرتے ہوئے ٹیم کے کپتان نے کہا کہ مجھے پہلی بار لاہور قلندرز کی کپتانی کی پیشکش ہوئی اس وقت میں بہت چھوٹا تھا۔
میں نے ہارنے کیوجہ ضرور بتائی لیکن میں نے کہا کہ کپتان نہ بدلیں، اس وقت کپتانی کیلئے اپنے فائدے کا سوچا ہوتا تو ٹیم بکھر جاتی۔ ان کا کہنا تھا کہ مجھے پہلی بار 2019 میں کپتانی کی پیشکش ہوئی تھی۔
شاہین آفریدی نے یہ بھی کہا کہ سب کے ساتھ دوستانہ رویہ رکھنا چاہیے، لاٹھی مار کر کسی کو سیدھا نہیں کیا جا سکتا۔ کپتان کا کہنا تھا کہ کھلاڑیوں کو حوصلہ اور اعتماد دینا چاہیے کیونکہ وہ محنت سے یہاں تک پہنچتا ہے۔