اسلام آباد (روشن پاکستان نیوز)روشن ڈیجیٹل اکاؤنٹس میں 42 ماہ میں 7 بلین ڈالر سے زیادہ جمع کرائے گئے۔
بیرون ملک مقیم پاکستانیوں نے 42 ماہ میں روشن ڈیجیٹل اکاؤنٹس میں 7.478 بلین ڈالر جمع کرائے ہیں۔
اسٹیٹ بینک آف پاکستان کے مطابق ستمبر 2020 سے رواں سال فروری تک روشن ڈیجیٹل اکاؤنٹس کی تعداد بڑھ کر 668,701 ہوگئی ہے۔
گزشتہ ماہ فروری میں بیرون ملک مقیم پاکستانیوں نے 8,895 روشن ڈیجیٹل اکاؤنٹس کھولے۔
فروری میں روشن ڈیجیٹل اکاؤنٹس میں 14.1 ملین ڈالر جمع کیے گئے، جبکہ 42 ماہ میں روشن ڈیجیٹل اکاؤنٹس میں 7.478 بلین ڈالر جمع کیے گئے۔
فروری 2024 تک، روشن ڈیجیٹل اکاؤنٹس میں جمع کی گئی رقم میں سے 4.667 بلین ڈالر مقامی طور پر استعمال ہو چکے ہیں، جبکہ اکاؤنٹس سے 1.559 بلین ڈالر نکالے جا چکے ہیں۔
فروری 2024 تک، روشن ڈیجیٹل اکاؤنٹس میں بقایا جمع $1.252 بلین ہیں۔
