واشنگٹن(روشن پاکستان نیوز)امریکی فوج نے اعلان کیا ہے کہ حوثیوں کے بحیرہ احمر خلیج عدن کے علاقے میں کیے گئے تازہ میزائل میں میں کثیر قومی بحری عملے کے تین ارکان ہلاک اور کم از کم چار زخمی ہو گئے ۔
غیرملکی خبررساں ادارے کے مطابق سینٹ کام کی طرف سے جاری کردہ بیان میں یہ بھی کہا گیا کہ حوثیوں کے اس حملے کے نتیجے میں بحری جہاز کو بھی کافی نقصان پہنچا ۔یہ پہلا موقع ہے کہ حوثی حملے کے نتیجے میں انسانی ہلاکتیں ہوئی ہیں۔
اس سے پہلے بدھ ہی کے روز برطانوی و امریکی حکام نے بتایا تھا کہ حوثیوں کے میزائل حملے سے دو جہازوں کو نقصان ہو گیا ہے۔دوسری جانب حوثیوں نے یونانی ملکیت میں مال بردار جہاز پر حملے کی ذمہ داری قبول کی ہے۔ یہ حملہ یمن کی بندرگاہ عدن سے پچاس سمندری میل کے فاصلے پر کیا گیا ہے۔سوشل میڈیا پلیٹ فارم ایکس پر برطانوی سفارت خانے کی طرف سے لکھا گیا کہ کم از کم دو بے گناہ ملاح مارے گئے ۔
مزیدپڑھیں:رمضان المبارک میں عمران خان کو جیل سے باہر دیکھ رہا ہوں،سلمان صفدرکا دعویٰ
یہ ایک افسوسناک واقعہ ہے مگر حوثی حملے کے بعد اس سے بچا نہیں جا سکتا تھا۔ کیونکہ حوثی بحیرہ احمر میں بین الاقوامی جہازوں پر مسلسل حملے کر رہے ہیں۔ انہیں یہ حملے لازما روکنے چاہییں۔ ایکس پر مزید لکھا کہ ہماری گہری تعزیت ان خاندانوں کے ساتھ ہے جن کے لوگ ہلاک ہوئے ہیں اور جن کے عزیز اس حملے میں زخمی ہو گئے ہیں۔
٭٭٭٭
