اسلام آباد(روشن پاکستان نیوز) امریکی جنگی طیارے گرین لینڈ پہنچنا شروع ہو گئے ہیں۔
امریکی اور کینیڈین دفاعی ادارے نوراڈ نے سوشل میڈیا پر جاری بیان میں کہا ہے کہ امریکی جنگی طیارے جلد گرین لینڈ میں قائم امریکی فوجی اڈے پر پہنچیں گے۔
دفاعی ادارے نے بتایا کہ گرین لینڈ کی حکومت کو بھی اس منصوبہ بندی سے آگاہ کر دیا گیا ہے۔
نوراڈ کے مطابق امریکی طیاروں کی نئی کھیپ کی ترسیل میں ڈنمارک حکومت کے ساتھ مکمل ہم آہنگی حاصل ہے اور امریکی فورسز کو تمام ضروری سفارتی اجازت نامے بھی حاصل ہیں۔
شکست کے باوجود بھارت کا جنگی جنون کم نہ ہو سکا، 114 رافیل طیارے خریدنے کی تیاری
واضح رہے کہ گرین لینڈ ڈنمارک کا خود مختار علاقہ ہے، اور 1951 میں امریکا اور ڈنمارک کے درمیان گرین لینڈ دفاعی معاہدہ طے پایا تھا، جس کے تحت امریکا نے گرین لینڈ کو ممکنہ جارحیت سے بچانے کا عہد کیا تھا۔
اس کے علاوہ امریکا اور کینیڈا نے 1958 میں سرد جنگ کے دوران دفاعی معاہدہ نوراڈ پر دستخط کیے تھے، جس کا بنیادی مقصد بیلسٹک میزائلوں کی لانچنگ کی بروقت اطلاع فراہم کرنا ہے۔
