تہران(روشن پاکستان نیوز) ایران میں مظاہروں اور امریکی صدر ڈونلڈ ٹرمپ کے ممکنہ حملے کی رپورٹس پر چین کا ردعمل سامنے آ گیا۔
چینی وزارت خارجہ کے ترجمان نے کہا ہے کہ ایران پر امریکا کے ممکنہ حملے کی رپورٹس پر چین نے ردعمل دیتے ہوئے کہا ہے کہ بین الاقوامی تعلقات میں طاقت کے استعمال کی مخالفت کرتے ہیں۔
مزید پڑھیں: ڈونلڈ ٹرمپ کا ایران میں فوجی کارروائی سے متعلق بڑا اعلان
ترجمان کا کہنا تھا کہ عالمی قوانین کے تحت ملکی خودمختاری اور سب کی سلامتی کا تحفظ کیا جانا چاہیے ،ایرانی حکومت موجودہ بحران پر قابو پا سکتی ہے۔
قبل ازیں امریکی صدر ڈونلڈ ٹرمپ نے کہا تھا کہ ایران مذاکرات کرنا چاہتا ہے لیکن ہم بہت طاقتور آپشنز پر غور کر رہے ہیں جس میں فوجی کارروائی بھی شامل ہے۔
