اسلام آباد(روشن پاکستان نیوز) ایران میں ہائی وے پر  مسافر بس الٹنے کے نتیجے میں 13 افراد ہلاک اور 13 زخمی ہو گئے۔

غیر ملکی میڈیا کے مطابق وسطی ایران کے ہائی وے پر مسافروں سے بھری بس اصفہان سے شمال مشرقی شہر مشہد کی جانب جا رہی تھی کہ  ہائی وے کے مرکزی گارڈ ریل سے ٹکرا کر مخالف لین میں الٹ گئی ، اس دوران بس ایک ٹیکسی سے بھی ٹکرائی۔

میڈیا رپورٹس میں بتایا گیا ہے کہ حادثے کے نتیجے میں بس میں سوار 11 افراد ہلاک ہو گئے جبکہ ٹیکسی میں موجود دو مسافر بھی زندگی کی بازی ہار گئے۔

اس کے علاوہ حادثے میں خواتین سمیت 13 افراد زخمی بھی ہوئے جنہیں طبی امداد فراہم کی جا رہی ہے ، حکام نے حادثے کی تحقیقات شروع کر دی ہیں۔

مزید پڑھیں: راولپنڈی: آزاد پتن کے قریب ہائی وے پر حادثہ، افسوسناک خبرسامنے آگئی