واشنگٹن(روشن پاکستان نیوز) امریکا نے افغان پاسپورٹ رکھنے والے تمام افراد کو ویزوں کا اجرا روک دیا۔
اسائلم کی تمام درخواستوں سے متعلق فیصلے بھی روک دیے گئے۔ امریکی وزیر خارجہ نے کہا ہے کہ سب سے بڑی ترجیح اپنی قوم اور شہریوں کا تحفظ ہے۔
مزید پڑھیں: ٹرمپ روس کے زیر قبضہ یوکرینی علاقوں پر روسی اختیار تسلیم کرنے کیلئے تیار ہے، برطانوی میڈیا
امریکی محکمہ خارجہ کے مطابق صدرٹرمپ کے احکامات پر افغانوں کوویزے کا اجرا روکا گیا ہے، امریکی شہریوں کی سلامتی اور امن و امان کیلئے ضروری اقدامات کئے جا رہے ہیں۔
دوسری جانب یو ایس سٹیزن شپ اینڈ امیگریشن سروسز نے بھی پناہ گزینوں سے متعلق تمام فیصلے روکنے کا اعلان کردیا، ایجنسی ڈائریکٹر جوزیف ایڈلو کا کہنا تھا کہ کسی بھی غیر ملکی کی جانچ پڑتال اور زیادہ سے زیادہ حد تک اسکریننگ کو یقینی بنانے تک تمام فیصلے روک دیے گئے ہیں۔
