ابوظبی(روشن پاکستان نیوز) متحدہ عرب امارات (یو اے ای) میں ایک خوش نصیب شخص کی 100 ملین درہم کی تاریخی لاٹری نکل آئی، جو چند منٹوں میں ہی ارب پتی بن گیا۔
غیر ملکی ذرائع ابلاغ کے مطابق متحدہ عرب امارات میں موجود لاٹری جیتنے والے شخص کی شناخت فی الحال ظاہر نہیں کی گئی، تاہم سوشل میڈیا پر ایک مختصر آڈیو کال جاری کی گئی ہے۔
رپورٹس کے مطابق آڈیو کال میں لاٹری کا نمائندہ جیتنے والے شخص کو بتاتا ہے کہ ’آپ جیک پاٹ جیت گئے ہیں‘ جس پر حیرت زدہ فاتح صرف یہی کہہ سکا، ’اوہ مائی گاڈ!‘ (او میرے خدایا!)۔
مزید پڑھیں: اسرائیلی حملہ: یو اے ای کے صدر دوحا پہنچ گئے، محمد بن سلمان کی آمد متوقع، وزیراعظم ہنگامی دورے پر روانہ
رپورٹس کے مطابق خوش قسمت شخص نے ساتوں نمبر درست چن کر لاٹری جیتی جس کی مالیت پاکستانی کرنسی میں تقریباً 7 ارب 65 کروڑ 51 لاکھ 64 ہزار روپے بنتی ہے۔
واضح رہے کہ متحدہ عرب امارات میں موجود ’یو اے ای Lottery سسٹم‘ اماراتی حکومت سے مکمل طور پر قانونی اور منظور شدہ ہے جو 2023 میں قائم کی گئی اماراتی گیمنگ ریگولیٹری اتھارٹی کے تحت امور انجام دیتا ہے۔
’لکی ڈے ڈرا‘ ہر 2 ہفتے میں منعقد ہوتا ہے اور براہ راست نشر کیا جاتا ہے۔ یو اے ای میں موجود 18 سال سے زائد عمر کے رہائشی ہی اس لاٹری میں حصہ لینے کے اہل ہوتے ہیں۔
