روم(روشن پاکستان نیوز) اٹلی کے قریب تارکین وطن کی دو کشتیاں ڈوب گئیں ، دونوں کشتیوں میں پاکستانیوں سمیت 100 سے زائد افراد سوار تھے۔
خبر ایجنسی کے مطابق ایک کشتی میں پاکستانی، اریٹیریا اور سومالیہ کے 85 باشندے سوار تھے۔ اس حادثے کے نتیجے میں دو افراد ہلاک جبکہ 11 کو بچا لیا گیا، دیگر افراد کی تلاش جاری ہے۔
دوسری کشتی میں 35 افراد سوار تھے۔ حکام نے ایک شخص کی ہلاکت کی تصدیق کی ہے جبکہ 24 تاحال لاپتہ ہیں۔
واضح رہے دو ماہ قبل بھی جنوبی اٹلی کے جزیرے لیمپیڈوسا کے قریب 2 کشتیوں کے حادثات میں کئی افراد ہلاک ہوئے تھے جبکہ 60 افراد کو بچا لیا گیا تھا۔
مزید پڑھیں: یونان میں تارکین وطن کی کشتی ڈوب گئی،4 افراد ہلاک
اقوام متحدہ کے اعداد و شمار کے مطابق 2014 سے اب تک 32 ہزار سے زائد تارکین وطن بحیرہ روم عبور کرنے کی کوشش کے دوران اپنی جانیں گنوا چکے ہیں۔ صرف 2025 کے دوران مرکزی بحیرہ روم کے راستے میں 900 سے زیادہ افراد ہلاک ہو چکے ہیں۔
