تہران(روشن پاکستان نیوز) ایران نے پاکستان اور افغانستان کے درمیان حالیہ کشیدگی پر تشویش کا اظہار کرتے ہوئے معاملے کے حل کے لیے ثالثی کی پیشکش کی ہے۔
ترجمان ایرانی وزارت خارجہ اسماعیل بقائی نے اپنے ایک بیان میں کہا کہ پاکستان اور افغانستان کی حالیہ کشیدگی پرتشویش ہے ہرملک کی علاقائی سالمیت اور قومی خودمختاری کا احترام ضروری ہے۔
ایرانی وزارت خارجہ کے ترجمان نے کہا کہ کشیدگی کم کرنے کے لیے پاکستان اور افغانستان فوری مذاکرات کریں، ایران پڑوسیوں میں کشیدگی کم کرانےمیں مدد کے لیے تیار ہے۔
ایران سے قبل سعودی عرب اور قطر کی جانب سے بھی پاک افغان کشیدگی اور جھڑپوں پر تشویش کا اظہار کرتے ہوئے تحمل اور بات چیت سے مسئلہ کرنے کے کی کوشش کرنے کا کہا گیا تھا۔
مزید پڑھیں: تہران اور واشنگٹن کے درمیان معاہدے کے بعد 100 ایرانی شہری امریکا بدر
واضح رہے گزشتہ رات پاک افغان بارڈر پر افغانستان کی طرف سے بلا اشتعال فائرنگ کی گئی جس کا پاک فوج نے بھرپور جواب دیا اور پاکستانی فورسزکی بھر پور جوابی کارروائی سے متعددافغان فوجی ہلاک ہوگئے۔
