خرطوم(روشن پاکستان نیوز) مغربی سوڈان کے دور دراز علاقے مارا کے پہاڑوں خوفناک شدید لینڈ سلائیڈنگ کے نتیجے میں ایک ہزار افراد ہلاک ہو گئے۔
باغی گروپ کی جانب سے جاری کردہ بیان میں کہا گیا ہے کہ کئی دنوں کی جاری موسلادھار بارش کی وجہ سے لینڈ سلائیڈنگ ہوئی جس کی وجہ سے تاراسین نامی پورا گاؤں ملبے تلے دب کر تباہ ہو گیا ، گائوں میں صرف ایک فرد زندہ بچا۔
مزید پڑھیں: اسلام آباد پولیس کا جرائم پیشہ عناصر کے خلاف کریک ڈاؤن، 28 گرفتار، منشیات و اسلحہ برآمد
باغی گروپ لبریشن موومنٹ نے اقوام متحدہ اور دیگر علاقائی اور بین الاقوامی تنظیموں سے انسانی امداد کی اپیل کی ہے۔
خیال رہے کہ سوڈان کی خونریز خانہ جنگی کا تیسرا سال جاری ہے ، سوڈانی فوج اور پیرا ملٹری فورس کے درمیان لڑائی کے باعث ہزاروں افراد نے دور دراز پہاڑی علاقوں میں پناہ لے رکھی ہے، باقاعدہ حکومتی ڈھانچہ نہ ہونے کے باعث متاثرہ علاقوں میں امدادی سرگرمیاں نہ ہونے کے برابر ہیں۔
