واشنگٹن(روشن پاکستان نیوز) امریکہ نے 6 ہزار سے زائد غیر ملکی طلبا کے ویزے منسوخ کر دیئے۔
غیر ملکی خبر رساں ایجنسی کے مطابق امریکی وزارت خارجہ نے غیر ملکی طلبا کے ویزے منسوخ کرنے کی وجہ مقررہ وقت سے زائد قیام اور قانون شکنی بتائی ہے۔
حکام نے ویزے منسوخ کیے گئے طلبا کی ایک مختصر تعداد ایسی بھی بتائی ہے جو امریکہ کے مطابق دہشت گردی کو سپورٹ کرتے ہیں۔
امریکی حکام کے مطابق 4 ہزار کے قریب ویزے قانون شکنی پر منسوخ کیے گئے۔ جن میں سے زیادہ تر نشے میں گاڑی چلانے، حملہ کرنے یا چوری جیسے دیگر جرائم میں ملوث تھے۔ دہشت گردی کی حمایت کی وجہ سے 200 سے 300 ویزے منسوخ کیے گئے۔
واضح رہے کہ مذکورہ اقدام ٹرمپ انتظامیہ کے امیگریشن سے جڑے معاملات پر کریک ڈاؤن کے ایک ضمنی حصے کے طور پر سامنے آیا ہے۔ اور اسٹوڈنٹ ویزوں کے بارے میں بھی سخت رویہ اپنایا گیا ہے۔
سعودی عرب نے عمرہ ویزے جاری کرنے کا اعلان کر دیا
امریکہ نے سوشل میڈیا پر طلبا کی چیکنگ سخت کرنے کے ساتھ ساتھ اسکریننگ کا دائرہ کار بھی بڑھایا دیا ہے۔
مزید پڑھیں:سعودی عرب نے عمرہ ویزے جاری کرنے کا اعلان کر دیا
وزارت خارجہ کی جانب سے رواں برس بیرون ملک امریکی سفارت کاروں کو ہدایت کی گئی تھی کہ ایسے لوگوں کی درخواستوں کے بارے میں ہوشیار رہیں جن کو امریکہ مخالف کے طور پر دیکھا جاتا ہے یا وہ سیاسی ایکٹیویزم سے منسلک رہے ہوں۔
