واشنگٹن(روشن پاکستان نیوز) مریکی صدر ڈونلڈ ٹرمپ نے کہا ہے کہ یوکرین کو مشورہ دوں گا جنگ بندی معاہدہ کر لیں۔
غیر ملکی خبر رساں ایجنسی کے مطابق امریکی صدر ڈونلڈ ٹرمپ نے میڈیا سے گفتگو کرتے ہوئے کہا کہ یوکرین میں لوگوں کی مزید اموات نہیں دیکھنا چاہتے۔ اور یوکرین میں جاری خون ریزی کو روکنا چاہتے ہیں۔
انہوں نے کہا کہ ہم روس یوکرین جنگ بندی معاہدے کے بہت قریب ہیں۔ اور یوکرین کو جنگ بندی پر رضا مندی ظاہر کرنا ہو گی۔
مزید پڑھیں: ٹرمپ پیوٹن ملاقات: ایک مصافحے میں کیا راز چھپے تھے؟
ڈونلڈ ٹرمپ نے کہا کہ یوکرین کو مشورہ دوں گا کہ جنگ بندی معاہدہ کر لیں۔ روس بہت بڑی طاقت ہے، یوکرین نہیں۔
امریکی صدر ڈونلڈ ٹرمپ نے پاک بھارت جنگ بندی کا ایک بار پھر تذکرہ کرتے ہوئے کہا کہ میں نے پاک بھارت سمیت بہت سی جنگیں رکوائیں۔ کانگو، روانڈا، تھائی لینڈ کمبوڈیا اور ایران اسرائیل کے درمیان جنگ بندی کروائی۔ اگر میں نہ روکتا تو پاکستان اور بھارت نیوکلیئر جنگ کرسکتے تھے۔
