ممبئی(روشن پاکستان نیوز) بھارت کے سب سے امیر شخص مکیش امبانی اور ان کے خاندان نے دودھ کے انتخاب میں بھی خاص توجہ دی ہے۔ رپورٹس کے مطابق، مکیش امبانی، ان کی اہلیہ نیتا امبانی، بیٹے آکاش اور اننت امبانی، اور بہوئیں شلوکا اور رادھیکا مرچنٹ خاص نسل کی گائے یعنی ہولسٹین فریزین کے دودھ کا استعمال کرتے ہیں، جس کی قیمت عام مارکیٹ کے دودھ سے کہیں زیادہ، تقریباً 152 روپے فی لیٹر ہے۔
یہ گائیں بھارت کے شہر پونے میں ایک جدید اور پرتعیش ڈیری فارم میں پالی جاتی ہیں جہاں 3000 سے زائد گائیں موجود ہیں۔ یہاں گائیوں کو نرم ربڑ کے گدوں پر آرام دیا جاتا ہے، انہیں آر او پانی پلایا جاتا ہے اور خاص قسم کی خوراک دی جاتی ہے تاکہ دودھ کی پیداوار اور معیار دونوں بہترین رہیں۔
ہولسٹین فریزین نسل کی گائیں روزانہ 25 سے 30 لیٹر دودھ پیدا کرنے کی صلاحیت رکھتی ہیں جبکہ سالانہ دودھ کی پیداوار 8,000 سے 12,000 لیٹر تک ہوتی ہے۔ کچھ گائیں بہتر نگہداشت کے تحت 15,000 لیٹر سے زیادہ دودھ بھی فراہم کرتی ہیں۔
یہ دودھ نہ صرف مہنگا ہے بلکہ انتہائی غذائیت بخش بھی ہے، جس میں A1 اور A2 بیٹا کیسین پروٹین، پروٹین، مائیکرو نیوٹرینٹس، میکرونیوٹرینٹس، ضروری چکنائیاں اور کاربوہائیڈریٹس شامل ہوتے ہیں جو انسانی صحت کے لیے بے حد مفید سمجھے جاتے ہیں۔
مزید پڑھیں: ممبئی میں 1 کروڑ کا فلیٹ اور قیمتی گاڑی، گجرات کا ’امیر ترین‘ چور پولیس کی گرفت میں آگیا
مکیش امبانی کے خاندان کا یہ منفرد انتخاب دودھ کی اعلیٰ کوالٹی اور صحت بخش عناصر کو ظاہر کرتا ہے، جو ان کی زندگی کے معیار کی عکاسی کرتا ہے۔
