تہران(روشن پاکستان نیوز) ایران نے آج سے اپنی فضائی حدود کو مکمل طور پر کھولنے کا اعلان کر دیا۔
غیر ملکی خبر رساں ایجنسی کے مطابق ایران اور اسرائیل کے درمیان 12 روزہ کشیدگی کے بعد ایران نے آج سے اپنی فضائی پابندیاں ختم کردی ہیں۔
ایرانی شہری ہوابازی کے ادارے سول ایوی ایشن آرگنائزیشن نے تصدیق کی ہے کہ اب نہ صرف ملکی بلکہ غیر ملکی پروازیں بھی ایران کی فضائی حدود استعمال کر سکیں گی۔
ادارے کی جانب سے جاری اعلامیے میں بتایا گیا ہے کہ تمام فلائٹ آپریشنز مکمل طور پر بحال کر دیئے گئے ہیں۔ جبکہ مہرآباد ایئرپورٹ کو بھی اب 24 گھنٹے کے لیے پروازوں کے لیے کھول دیا گیا ہے۔
یہ بھی پڑھیں:پاکستان سے تجارت 10 ارب ڈالر تک لے جانا چاہتے ہیں، ایرانی صدر
واضح رہے کہ 17 جولائی سے ایران کے تمام ہوائی اڈے جزوی طور پر کھول دیئے گئے تھے۔ تاہم مہرآباد ایئرپورٹ کو صرف مخصوص اوقات میں استعمال کیا جا رہا تھا۔
اب جاری ہونے والے نئے بیان کے مطابق تمام ایئرلائنز اور سفری ایجنسیاں بلا تعطل 24 گھنٹے اپنی سرگرمیاں جاری رکھ سکتی ہیں
