نئی دہلی(روشن پاکستان نیوز) بھارتی صحافی راہول پنڈیتا نے کہا ہے کہ پہلگام حملہ کہیں نہ کہیں بھارتی فوج کی انٹیلی جنس ناکامی ہے۔
پہلگام حملے میں انٹیلی جنس ناکامی پر بھارتی عوام اور حکومتی اہلکاروں کا سخت ردعمل سامنے آ گیا۔ بھارتی صحافی راہول پنڈیتا نے کہا کہ پہلگام حملہ کہیں نہ کہیں بھارتی فوج کی انٹیلی جنس ناکامی ہے۔
سابق بھارتی حکومتی اہلکار رادھا کمار نے کہا کہ سی آر پی ایف کی پوسٹ کو الرٹ جاری ہونے کے باوجود ہٹا دیا گیا تھا۔ اور ایک کوتاہی کے بعد مزید کوتاہیاں برتی گئیں جیسے پلوامہ میں ہوا تھا۔
بھارتی فوج کے کرنل ریٹائرڈ اجے شکلا نے کہا کہ دہشتگردی ختم کرنے کے جھوٹے بیانیے نے لوگوں کی جانیں لے لی ہیں۔
یہ بھی پڑھیں: بھارتی آبی جارحیت، بغیر بتائے دریائے جہلم میں پانی چھوڑ دیا، ایمرجنسی نافذ
بھارت کے مقامی شہری سدھارت واردھان نے اپنی ہی حکومت کو تنقید کا نشانہ بناتے ہوئے کہا کہ بھارتی وزیر داخلہ کا شمار اُن لوگوں میں ہوتا ہے جو زیادہ غیر ذمہ دار ہیں۔
بھارتی جنرل ریٹائرڈ وی پی ملک نے سوال اٹھایا کہ بھارتی انٹیلی جنس کو کیا ہوا اور ناکامی کیوں ہوئی؟
