بیجنگ(روشن پاکستان نیوز) چین کا کہنا ہے کہ امریکا کیساتھ مذاکرات کے لیے ہمارے دروازے کھلے ہیں،بات چیت برابری کی بنیاد پر اور باہمی احترام کیساتھ ہونی چاہئے۔

ترجمان چینی وزارت خارجہ کا ایک بیان میں کہنا تھا کہ چین اپنے مؤقف پر آخر تک قائم رہے گا،دباؤ ڈالنا، دھمکانا اور بلیک میل کرنا درست طریقے نہیں۔

ہم امید کرتے ہیں کہ امریکا چین کے ساتھ مل کر کام کرے گا،ہم مشاورت کے ذریعے اختلافات کو مناسب طریقے سے حل کریں گے۔چین اور دیگر ممالک کی خودمختاری، سلامتی اور ترقیاتی مفادات کو پامال نہیں کیا جانا چاہیے۔

دوسری جانب اوول آفس میں میڈیا سے گفتگو کرتے ہوئے امریکی صدر ٹرمپ  کا کہنا تھا کہ امریکا کے مفادات کا تحفظ کریں گے،ٹیرف پر ہر کوئی ڈیل کرنا چاہتا ہے۔

مزید پڑھیں: امریکی صدر کا ٹیرف90 دن کیلئے معطل،چین پر ٹیرف 125 فیصد کرنے کا اعلان

ماضی میں لوگوں نے ہم سے فائدہ اٹھایا،امریکا کو لوٹنے کے دن چلے گئے،بائیڈن انتظامیہ نے چین کو بے لگام چھوڑے رکھا۔