لندن (روشن پاکستان نیوز) سوشل میڈیا پر ایک ویڈیو وائرل ہو رہی ہے جس میں برطانوی پولیس ایک معذور خاتون کا پیچھا کرتے ہوئے اسے گرفتار کر رہی ہے۔ ویڈیو میں دکھایا گیا ہے کہ 33 سالہ خاتون نے ایک مقامی سٹور سے کھانے پینے کی اشیاء چرائی تھیں، جس پر پولیس نے فوراً کارروائی کرتے ہوئے خاتون کو پکڑ لیا۔ اس ویڈیو کے منظر عام پر آتے ہی برطانیہ میں اس واقعے پر مختلف تبصرے ہونے لگے ہیں۔
ویڈیو میں واضح طور پر دکھایا گیا کہ خاتون ایک وھیل چیئر پر بیٹھی ہوئی تھی اور پولیس اہلکار اسے گھیرنے کی کوشش کررہے تھے۔ اس واقعے کے بعد پولیس کی کارروائی کو سوشل میڈیا پر مختلف زاویوں سے دیکھاجا رہا ہے۔ کچھ افراد نے پولیس کی کارکردگی کو سراہا جبکہ کچھ نے خاتون کی معذوری کو مدنظر رکھتے ہوئے کارروائی پر سوالات اٹھائے۔
برطانیہ کا نظام انصاف دنیا بھر میں مشہور ہے اور وہاں کے قوانین جرائم کے حوالے سے بہت سخت ہیں۔ یہاں مجرموں کو کسی رعایت کے بغیر قانون کے مطابق سزا دی جاتی ہے، جو ملک کے انصاف کے نظام کی ایک اہم خصوصیت ہے۔ برطانیہ میں ایسے واقعات کی روک تھام کے لیے پولیس ہمیشہ متحرک رہتی ہے اور ان کے اقدامات پر عوامی رائے مختلف ہوتی ہے۔ یہ واقعہ اس بات کی بھی غمازی کرتا ہے کہ برطانوی معاشرہ کسی بھی قسم کی غیر قانونی سرگرمی کو برداشت نہیں کرتا، چاہے وہ کسی بھی حالت میں ہو۔
