اسلام آباد(روشن پاکستان نیوز) ملازمت اور زندگی بسرکرنے کے لیے دنیا کے بہترین ملکوں کی فہرست میں ڈنمارک کا پہلا نمبر ہے جس کے بعد سویڈن اور پھر سوئٹزر لینڈ ہیں۔
میڈیارپورٹ کے مطابق ملازمت اور زندگی بسرکرنے کے حوالے سے تازہ سروے میں ڈنمارک، سویڈن اور سوئٹزرلینڈ کے بعد ناروے، کینیڈا، فن لینڈ، جرمنی، آسٹریلیا، نیدرلینڈز اور نیوزی لینڈ کا نمبر ہے۔مشرق وسطیٰ کا بہترین ملک متحدہ عرب
امارات اور دوسرے نمبر پر قطر ہے۔ ایشیائی ممالک میں پہلا نمبر سنگاپور اور اس کے بعد جنوبی کوریا اور چین ہیں۔فہرست میں 98 ممالک شامل ہیں جنکی درجہ بندی کسی ملک میں دستیاب جاب مارکیٹ، آمدنی، مہنگائی، تحفظ، سیاسی استحکام، تعلیمی اور طبی نظام کی سہولیات کو مدنظر رکھ کر کی گئی ہے۔اس سروے کے لیے 22 مارچ سے 23 مئی 2024 تک دنیا بھر میں 17 ہزار افراد کا انٹرویو کیا گیا تھا۔
خیال رہے کہ ڈنمارک اس فہرست میں گزشتہ برس چوتھے نمبر پر تھا لیکن اس سال سرِفہرست ہے کیوں کہ یہاں مفت علاج، بچوں کی نگہداشت کی خدمات میں سبسیڈیز اور یونیورسٹی کے طلبا کی فیس کی ادائیگی میں مدد جیسی اہم سہولیات میسر ہیں۔
ان ہی خدمات کی وجہ سے قبل ڈنمارک کو بیرون ملک کام کرنے کے خواہشمند افراد کے لیے بھی دنیا کا بہترین ملک قرار دیا گیا تھا۔
مزید پڑھیں: اسلام آباد: پختون جرنلسٹس فورم کی حلف برداری تقریب، ثقافتی محفل کا انعقاد، گورنر کے پی کی شرکت
