منگل,  23 جولائی 2024ء
بھارتی ریاست آسام میں سیلاب سے 130 جنگلی جانور ہلاک

نئی دہلی (نیوزڈیسک)بھارت میں سیلاب سے 130 جنگلی جانور ہلاک ہوگئے۔

بھارتی میڈیا کے مطابق ریاست آسام میں قائم کازیرنگا نیشنل پارک میں حالیہ سالوں کا بدترین سیلاب ریکارڈ کیا گیا ہے۔

میڈیا رپورٹس کے مطابق سیلاب کی وجہ سے ہلاک ہونے والے جانوروں میں 117 ہاگ ہرن، 2 سانبر ہرن، rhesus macaque سے تعلق رکھنے والا بندر اور ایک پانی کی بلی (اوٹر) بھی شامل ہے جب کہ سیلاب میں 6 گینڈے بھی ہلاک ہوگئے۔

انتظامیہ کی جانب سے بتایا گیا ہے کہ سیلاب سے 97 جانوروں کو ریسکیو کیا گیا ہے جن میں سے 25 کو طبی امداد دی جارہی ہے جب کہ 52 جانوروں کو طبی امداد کے بعد پارک میں چھوڑ دیا گیا ہے۔

 میڈیا رپورٹس کے مطابق یہ نیشنل پارک دنیا میں سب سے زیادہ ایک سینگ والے گینڈوں کا گھر ہے جو صدی کے اختتام پر تقریباً معدوم ہو چکے تھے، اس پارک میں 2 ہزار 400 سے زیادہ ایک سینگ والے گینڈے موجود ہیں۔

رپورٹس کے مطابق 2017 میں اسی پارک میں سیلابی ریلے کی وجہ سے 350 جانور ہلاک ہوئے تھے۔

مزید خبریں

FOLLOW US

Copyright © 2024 Roshan Pakistan News