نئی دہلی (روشن پاکستان نیوز) ہندوستان کے انفورسمنٹ ڈائریکٹوریٹ (ای ڈی) نے جمعرات کو دہلی کے وزیر اعلی اروند کیجریوال کو مبینہ شراب پالیسی گھوٹالہ کے سلسلے میں گرفتار کر لیا۔
بھارتی ٹی وی کے مطابق کیجریوال کوپولیس نے شہر کی شراب پالیسی سے متعلق بدعنوانی کے الزامات میں گرفتار کر لیا ۔
کیجریوال بھارت کی تاریخ میں گرفتار ہونے والے پہلے موجودہ وزیراعلیٰ بن گئے ۔
انفورسمنٹ ڈائریکٹوریٹ (ای ڈی) کی 12 رکنی ٹیم نے آج شام دہلی کے سی ایم کیجریوال کو شمالی دہلی کے سول لائنز میں واقع ان کی رہائش گاہ سے گرفتار کیا۔
دہلی ہائی کورٹ میں وزیراعلیٰ کی درخواست مسترد ہونے کے بعد ای ڈی کی ٹیم ان کے گھر پہنچی اور ان سے پوچھ گچھ شروع کردی۔
