گوجرانوالہ (روشن پاکستان نیوز) گوجرانوالہ کے نجی اسپتال میں ایک غیرمعمولی واقعہ پیش آیا ہے، جہاں ایک خاتون نے بیک وقت پانچ بچوں کو جنم دے کر نہ صرف اپنے خاندان بلکہ پورے علاقے میں خوشی کی لہر دوڑا دی۔ خاتون کو گزشتہ روز اسپتال لایا گیا تھا، جہاں کامیاب ڈیلیوری کے بعد چار لڑکیاں اور ایک لڑکا دنیا میں آئے۔
اس موقع پر اسپتال کا دیگر عملہ اور وہاں موجود مریضوں کے لواحقین بھی حیران رہ گئے۔ پیدا ہونے والے بچوں میں ایک لڑکی کی طبیعت نازک بتائی جارہی ہے، جسے فوری طور پر نرسری میں منتقل کر دیا گیا ہے تاکہ خصوصی نگہداشت فراہم کی جا سکے۔
دلچسپ بات یہ ہے کہ کومل نامی اسی خاتون نے دو سال قبل بھی بیک وقت تین بچوں کو جنم دیا تھا۔ یعنی صرف دو سال میں وہ آٹھ بچوں کی ماں بن چکی ہیں، جس پر اہلِ خانہ خوشی سے سرشار ہیں۔
مزید پڑھیں: گوجرانوالہ میں 8 سالہ بچے کاشان کا اغوا اور قتل، ہمسایہ ملزم گرفتار
اسپتال انتظامیہ نے ماں اور بچوں کو مکمل طبی سہولیات فراہم کی ہیں اور ان کی صحت تیزی سے بہتر ہو رہی ہے۔
