اسلام آباد(روشن پاکستان نیوز) عام طور پر کپڑے دھونے کے لیے استعمال کی جانے والی واشنگ مشین کافی بڑی ہوتی ہے۔

مگر ایک نوجوان نے دنیا کی سب سے چھوٹی فعال واشنگ مشین تیار کی ہے۔

بھارت سے تعلق رکھنے والے نوجوان سبین ساجی نے یہ منفرد واشنگ مشین تیار کی ہے۔

اس واشنگ مشین کی لمبائی چوڑائی 1.28 انچ بائی 1.32 انچ بائی 1.52 انچ ہے۔

یعنی یہ بہت زیادہ چھوٹی ہے اور یہی وجہ ہے کہ اسے گنیز ورلڈ ریکارڈز نے دنیا کی سب سے چھوٹی واشنگ مشین قرار دیا ہے۔

اتنی چھوٹی ہونے کے باوجود یہ واشنگ مشین کسی بڑی مشین کی طرح ہی کام کرتی ہے مگر اسے بہت چھوٹے لوڈ کے لیے ڈیزائن کیا گیا ہے۔

گنیز ورلڈ ریکارڈز کے مطابق اس واشنگ مشین کا وزن محض 25 گرام ہے۔

مزید پڑھیں: ایس سی او اجلاس کو کامیاب بنانے کیلئے پاکستان کی حمایت کی، بھارتی وزیر خارجہ

بھارتی ریاست کیرالہ سے تعلق رکھنے والا یہ نوجوان انجینئرنگ کی تعلیم حاصل کر رہا ہے۔