دبئی (روشن پاکستان نیوز)دنیا کے مہنگے ترین اور چھوٹے سے کیڑے کی قیمت جان کر آپ حیران رہ جائیں گے۔

غیر ملکی میڈیا کے مطابق (Stag Beetle) نامی کیڑے کو دنیا کا مہنگا ترین کیڑا کہا جاتا ہے جس کی قیمت ایک لگژری گاڑی سے بھی زیادہ ہے۔میڈیا رپورٹس کے مطابق اس کیڑے کا وزن 2-6 گرام کے درمیان ہوتا ہے اور اس کی اوسط عمر 3-7 سال ہوتی ہے۔اس کیڑے میں نر 35-75 ملی میٹر لمبے ہوتے ہیں جبکہ مادہ کی لمبائی 30-50 ملی میٹر ہوتی ہے۔ اس کیڑے کی قیمت پاکستانی کرنسی میں تقریباً ڈھائی کروڑ روپے بنتی ہے۔

اس کیڑے کو جو چیز خاص بناتی ہے وہ انسانوں کی سوچ ہے جو اسے خوش قسمت سمجھتے ہیں اور ساتھ ہی یہ کیڑا نایاب بھی ہے۔کچھ لوگوں کا خیال ہے کہ یہ کیڑا رکھنے سے آپ راتوں رات امیر بن سکتے ہیں۔یہ کیڑے گرم ماحول میں پائے جاتے ہیں اور سرد موسم ان کے لئے اچھا نہیں ہوتا۔یہ قدرتی طور پر جنگلات میں رہتے ہیں لیکن یہ باغات اور شہری علاقوں کے پارکس میں بھی پائے جاتے ہیں۔یہ کیڑے درختوں کو نقصان نہیں پہنچاتے، یہ درخت اور سڑنے والے پھلوں کا رس کھاتے ہیں۔

مزید پڑھیں: آرمی چیف سے آذربائیجان کے وزیر خارجہ کی ملاقات، باہمی دلچسپی کے امور پر تبادلہ خیال