اسلام آباد(روشن پاکستان نیوز) محکمہ موسمیات نے ملک کے مختلف شہروں میں شدید سردی کی پیشگوئی کر دی۔
اسلام آباد اور گردونواح میں آج موسم سرد اورخشک رہے گا، اس کے علاوہ مری، گلیات سمیت پنجاب کے مختلف شہروں میں بھی سردی رہے گی۔
محکمہ موسمیات کا کہنا ہے کہ سیالکوٹ،نارووال، لاہور، شیخوپورہ،گوجرانوالہ ، گجرات ، جہلم ،فیصل آباد، جھنگ، ساہیوال ، خانیوال ، ملتان، ڈیرہ غازیخان ، لیہ،کوٹ ادو اور بہاولپور میں دھند اور اسموگ متوقع ہے۔
مزید پڑھیں: کراچی میں سردی کا باقاعدہ آغاز کب ہوگا؟ محکمہ موسمیات نے بتا دیا
محکمہ موسمیات نے بتایا کہ بلوچستان کے شمالی اضلاع ، گلگت بلتستان اور کشمیر میں صبح اور رات کو شدید سردی کا امکان ہے جبکہ خیبر پختونخوا کے بیشتر اضلاع میں بھی موسم شدید سرد اور خشک رہے گا۔
اس کے علاوہ پشاور، صوابی، مردان، ڈیرہ اسماعیل خان اور گردونواح میں چند مقامات پر دھند کا امکان ظاہر کیا گیا ہے۔
