اسلام آباد(روشن پاکستان نیوز) کلاؤڈ برسٹ اس وقت رونما ہوتا ہے جب بارش کے دوران ہوا کا بہاؤ اوپر کی جانب ہو جائے۔
ایک تحقیق کے مطابق کلاؤڈ برسٹ کی وجہ سے بارش کے قطرے زمین پر گر نہیں پاتے اور بلندی پر پانی بڑی مقدار میں جمع ہو جاتا ہے۔ جیسے ہی ہوا کا دباؤ کم ہو، پانی آبشار کی طرح نیچے آگرتا ہے۔
محکمہ موسمیات کے مطابق کلاؤڈ برسٹ کی مختلف تعریفیں ہیں۔
سویڈن کے محکمہ موسمیات نےکلاؤڈ برسٹ کی تعریف 50 ملی میٹر فی گھنٹہ مقرر کی ہے تاہم بعض ماخذات میں ایک گھنٹے میں سو ملی میٹر بارش کو کلاؤڈ برسٹ بھی کہا گیا ہے۔
ایک تحقیق میں معلوم ہوا ہے کہ کلاؤڈ برسٹ بہت زیادہ خطرناک قدرتی مظہر ہے کیونکہ اس کی وجہ سے یک لخت سیلابی ریلے آتے ہیں اور بڑے پیمانے پر جانی اور مالی نقصان کا خدشہ ہوتا ہے۔
واضح رہے کہ آج سے 20 سال پہلے بھی اسلام آباد میں 12 گھنٹوں میں 620 ملی میٹر بارش ہوئی تھی۔
مزید پڑھیں: عوام تیاری پکڑلیں! محکمہ موسمیات نے بارشوں سے متعلق بڑی پیشگوئی کردی
میں ایک گھنٹے کے دوران سب سے زیادہ بارش کا ریکارڈ بھارت کے علاقے لداخ میں قائم ہوا جہاں 2010 میں ایک گھنٹے میں 250 ملی میٹر بارش ہوئی۔
24 گھنٹوں میں سب سے زیادہ بارش بحرِ ہند میں واقع فرانس کے زیرِ انتظام ری یونین جزیرے میں ہوئی جس کی مقدار 1870 ملی میٹر تھی۔
