اسلام آباد(روشن پاکستان نیوز) پاکستان کرکٹ ٹیم کے فاسٹ بولر شاہین شاہ آفریدی نے مچل اسٹارک کو اپنے کرکٹ رول ماڈل کے طور پر پیش کرتے ہوئے کہا ہے کہ وہ بہت جلد اسٹارک سے ملاقات کے منتظر ہیں۔
شاہین نے کہا کہ جب بھی انہوں نے آسٹریلیا کے خلاف اسٹارک کے ساتھ کھیلا، تب بہت اچھی بات چیت ہوئی اور اسٹارک نے ان کی حوصلہ افزائی کی۔
شاہین نے مزید کہا کہ انہوں نے اسٹارک کوبتایا تھا کہ 2015 کے کرکٹ ورلڈ کپ میں انکا اسپیل دیکھ کروہ متاثر ہوئے اور انہیں فالو کرنا شروع کیا۔
اسٹارک نے حالیہ برسوں میں نہ صرف وسیم اکرم کا ریکارڈ توڑا بلکہ نئے بولرز کیلئے رول ماڈل بھی ثابت ہوئے ہیں شاہین کے مطابق اسٹارک 140 کلومیٹرفی گھنٹہ یا اس سے زائد کی اسپیڈ سے گیند کرکے نوجوان کھلاڑیوں کیلئے حوصلہ افزائی کرتے ہیں۔
مزید پڑھیں: پاکستان شاہینز نے بنگلادیش اےکو فائنل میں شکست دیکر ایشیاکپ رائزنگ اسٹارز جیت لیا
شاہین نے کہا کہ اسٹارک نے وسیم اکرم کے بارے میں بھی کہا کہ وہ بہترین ہیں، جس سے نوجوان کھلاڑیوں کو کرکٹ میں محنت اورلگن کے جذبے کی اہمیت کا اندازہ ہوتا ہے۔
شاہین شاہ آفریدی کے مطابق مچل اسٹارک اور ٹرینٹ بولٹ کی کارکردگی نے انہیں کرکٹ کے میدان میں بہتر بنانے میں مدد دی اور وہ نوجوان کھلاڑیوں کے لیے رہنمائی فراہم کرنے والے حقیقی آئیکون ہیں۔
