سڈنی(روشن پاکستان نیوز) بگ بیش لیگ (بی بی ایل) کے پندرہویں سیزن میں شرکت کے لیے قومی کرکٹ ٹیم کے کھلاڑی آسٹریلیا پہنچنا شروع ہوگئے ہیں۔
سابق کپتان بابر اعظم سڈنی سکسرز کی نمائندگی کے لیے سڈنی پہنچ گئے، جبکہ قومی ون ڈے ٹیم کے کپتان شاہین آفریدی نے برسبن ہیٹ کو جوائن کرلیا ہے۔
دو روز قبل ہی دیگر قومی کھلاڑی حسن علی، شاداب خان اور محمد رضوان آسٹریلیا پہنچ چکے تھے۔
حسن علی ایڈیلیڈ اسٹرائیکرز، شاداب خان سڈنی تھنڈرز اور محمد رضوان میلبرن رینیگیڈز کی نمائندگی کریں گے۔
مزید پڑھیں: اسلامی یکجہتی کھیلوں میں شرکت کے لئے کھلاڑیوں کو این او سی جاری کر دیا گیا
بی بی ایل 15 کا آغاز 14 دسمبر سے ہوگا، جس میں دنیا بھر کے کرکٹ شائقین اعلیٰ معیار کے میچز دیکھنے کے لیے پرجوش ہیں۔
اس موقع پر قومی کھلاڑیوں کی کارکردگی پر بھی نگاہیں مرکوز ہیں، اور پاکستانی شائقین اپنے کھلاڑیوں کے جوش و جذبے کو دیکھنے کے لیے بے صبری سے منتظر ہیں۔
