سڈنی(روشن پاکستان نیوز) آسٹریلیا کی برطانیہ کے خلاف دوسرے ٹیسٹ میچ میں فتح کے بعد ورلڈ ٹیسٹ چیمپیئن شپ میں ٹیموں کی پوزیشن واضح ہو گئی ہے۔

ورلڈ ٹیسٹ چیمپیئن شپ 2025-2027 میں آسٹریلیا تمام پانچوں میچوں میں ناقابل تسخیر رہا ہے اس طرح آسٹریلیا کی پہلی پوزیشن ہے، مسلسل دو ٹیسٹ میچ ہارنے کے بعد انگلینڈ کی ٹیم ساتویں پوزیشن پر چلی گئی ہے۔

مزید پڑھیں: ایشز سیریز کا پہلا ٹیسٹ دو روز میں ختم ہونے سے کرکٹ آسٹریلیا کو کروڑوں کا نقصان

دونوں رویتی حریفوں کے درمیان تیسرا ٹیسٹ میچ 17 دسمبر کو ایڈیلیڈ میں شروع ہو گا۔ ورلڈ ٹیسٹ چیمپیئن شپ میں جنوبی افریقہ کی ٹیم دوسرے نمبر پر ہے۔

سری لنکا کی ٹیم تیسری پوزیشن پر ہے، پاکستان چوتھی پوزیشن سنبھالے ہوئے ہے، بھارت کی ٹیم پانچویں نمبر پر ہے، نیوزی لینڈ کی ٹیم چھٹی پوزیشن پر آ گئی ہے جبکہ انگلینڈ ساتویں نمبر پر ہے۔