اسلام آباد(روشن پاکستان نیوز) پاکستان سپر لیگ (پی ایس ایل) میں شامل کی جانے والی دو نئی ٹیموں کے ممکنہ نام سامنے آگئے ہیں۔

میڈیا رپورٹس کے مطابق پی ایس ایل سیزن 11 میں فیصل آباد اور گلگت کے ناموں پر اتفاق ہونے کا امکان ہے۔

پی سی بی نے نئی ٹیموں کے لیے مجموعی طور پر چھ شہروں کے نام شارٹ لسٹ کیے تھے، جن میں فیصل آباد، گلگت، سیالکوٹ، حیدرآباد، راولپنڈی اور مظفرآباد شامل تھے۔

ان میں سے دو فائنل نام جلد طے کیے جانے کی توقع ہے۔ پاکستان کرکٹ بورڈ نے دونوں نئی ٹیموں کے لیے باضابطہ پیشکشیں بھی طلب کر رکھی ہیں۔

مزید پڑھیں: چلاس میں گلگت بلتستان حکومت کا ہیلی کاپٹر حادثے کا شکار، 3 افراد جاں بحق

دوسری جانب ذرائع کا یہ بھی کہنا ہے کہ پی سی بی اور ملتان سلطانز کے درمیان جاری تنازع اب تک حل نہیں ہو سکا۔

پی سی بی پانچ فرنچائزز کو ویلیو ایشن دستاویزات بھجوا چکا ہے اور ویلیو ایشن کے بعد انہی پانچ ٹیموں کو تجدید کی پیشکش بھی کر رکھی ہے۔