دبئی(روشن پاکستان نیوز) ایشیا کپ 2025 میں شائقین کرکٹ میں جوش و خروش عروج پر ہے۔ اور ہزاروں فینز اب بھی ٹکٹ خریدنے کے لیے کوشش کر رہے ہیں۔
ایشیا کپ 2025 کا فائنل کل اتوار 28 ستمبر کو دبئی انٹرنیشنل اسٹیڈیم میں ہو گا۔ جہاں پاکستان اور بھارت ایک دوسرے کے مدمقابل آئیں گے۔
ایشیا کپ کے فائنل کے لیے کم سے کم ٹکٹ کی قیمت 350 درہم (تقریباً 26 ہزار 817 روپے) ہے۔ جو اپر اسٹینڈز کے لیے ہیں۔ جبکہ سب سے مہنگے ٹکٹ کی قیمت 11 ہزار درہم (تقریباً 8 لاکھ 42 ہزار 820 روپے) ہے۔
ایشیا کپ کے ٹکٹس کی فروخت کرنے والے آفیشل پورٹل پر ٹکٹس اب بھی دستیاب ہیں۔ اور دبئی اسٹیڈیم کے پویلین کے ٹکٹ کی قیمت 900 درہم (68 ہزار 958 روپے) ہے۔
دیگر کیٹیگریز میں ٹکٹس کی قیمتیں 3 ہزار 500 درہم (2 لاکھ 68 ہزار 170 روپے)، 6 ہزار درہم (4 لاکھ 59 ہزار 720 روپے)، 8 ہزار درہم (6 لاکھ 12 ہزار 960 روپے) اور 11 ہزار درہم (8 لاکھ 42 ہزار 820 روپے) مقرر ہیں۔
یہ بھی پڑھیں:محمد آصف نے بھارتی کھلاڑی ابھیشیک شرما کو آؤٹ کرنے کا فارمولا بتا دیا
خیال رہے دبئی کرکٹ اسٹیڈیم کے جنرل (اپر) اسٹینڈز کے ٹکٹ 350 درہم (26 ہزار 817 روپے) میں فروخت کیے گئے ہیں۔ جبکہ اسپیشل ہاسپیٹیلٹی پاسز کی قیمت ایک ہزار 500 درہم (ایک لاکھ 14 ہزار 930 روپے) سے شروع ہو رہی تھی۔
