دبئی(روشن پاکستان نیوز) ایشیا کپ کے سپر فور مرحلے میں پاک بھارت میچ کے دوران پاکستانی اوپنر فخر زمان کو آؤٹ ہونے کے فیصلے پر سوالات اٹھ گئے۔
پاکستانی اوپنر فخر زمان 15 رنز بنا کر ہاردک پانڈیا کی گیند پر آؤٹ ہوئے، ان کو آؤٹ دیے جانے کے فیصلے کو سابق کھلاڑی غلط قرار دے رہے ہیں۔
فخر زمان کےآؤٹ ہونے کا فیصلہ فیلڈ امپائرز سے تھرڈ امپائر کی طرف بھیجا گیا، ایکشن ری پلے دیکھنے پر واضح نظر آیا کہ گیند زمین پر لگنے کے بعد وکٹ کیپر کے ہاتھ میں آئی تاہم تھرڈ امپائر نے فخر زمان کو آؤٹ قرار دیا، تھرڈ امپائر کے فیصلے پر فخر زمان نے بھی حیرت کا اظہار کیا۔
قومی ٹیم کے فاسٹ بائولر محمد عامر نے سماجی رابطے کی ویب سائٹ ایکس پر اپنے پیغام میں کہا کہ فخر زمان آؤٹ نہیں تھے ، فواد عالم نے لکھا کہ ایسا لگتا ہے کہ ہم 11 کے بجائے 14 کھلاڑیوں کے خلاف کھیل رہے ہیں، فخر زمان واضح طور پر ناٹ آؤٹ تھے۔
مزید پڑھیں: بھارتی کپتان نے پاکستان کیخلاف میچ سے قبل ٹیم کو کیا مشورہ دیا؟
علاوہ ازیں پاکستان کے معروف گلوکار علی ظفر نے بھی فخر زمان کو آؤٹ دیے جانے کے فیصلے کو غلط قرار دیا ہے۔
