دبئی(روشن پاکستان نیوز) متحدہ عرب امارات میں شدید گرمی کے باعث ایشیا کپ کے میچوں کا وقت تبدیل کر دیا گیا۔
ایشیا کپ کے میچز اب ابتدائی اعلان کردہ شیڈول سے آدھے گھنٹے بعد شروع ہوں گے، 19 میں سے 18 میچز مقامی وقت کے مطابق شام ساڑھے چھ بجے شروع ہوں گے۔
15 ستمبر کو ابوظہبی میں 2 مقابلے ہونے ہیں۔ یواے ای اور عمان کے درمیان واحد ڈے میچ سہ پہر چار بجے شروع ہو گا جبکہ اسی دن شام سری لنکا اور ہانگ کانگ کی ٹیموں میں بھی مقابلہ ہو گا ، ایونٹ کا سب سے بڑا پاک بھارت ٹاکرا 14 ستمبر کو ہو گا۔
دونوں گروپس سے ٹاپ ٹو ٹیمیں سپر فور مرحلے میں جائیں گی۔ سپر فور مرحلے میں 20 سے 26 ستمبر تک چھ میچز کھیلے جائیں گے، جن میں سے ٹاپ دو ٹیمیں 28 ستمبر کو فائنل کھیلیں گی۔
مزید پڑھیں: میچ دیکھنے آنے والے شائقین صرف میچ انجوائے کریں، کھلاڑیوں کو سپورٹ کریں، راشد خان
